لسه فى امل

لسه فى أمل ...لسه الجايات كتير
ما هو ف المثل... لسه ف الدنيا خير
دائما أكون مملؤ ب الأمل على قدر غضبى يكون املى ...املى فالله املى ف الشرفاء..املى فى ان يستطيع المخطؤن تدارك الخطأ..املى فى ان يحكمنا العقل.لن أتكلم عن اعتراصى على التعديلات الدستوريه.سأتكلم عن القادم عن الامل . اننا الان امام موقف جديد وهو القوانين الجديده التى ستصدر بناء على هذه التعديلات يجب علينا المشاركه فيها وبمنتهى الجديه والصرار .يجب علينا ألا نحبط ألا نترك امرنا لا تجعلوا الاحبط والقرف يسيطر عليكم كما سيطر على لمدة يومين الى ان تذكرت ان .....لسه فى امل

البكاء ليلة الاستفتاء

هما بيعملوا كدا ليه يعنى البلد دى ماحدش له حق غير اللى بيقول نعم .. طب الجماعه اللى بيقولا لأ يروحوا فى داهيه واللا يشوفوا بلد تانيه ...ليه النهارده اللى هوه 25_3_2007 ينزلوا يقبضوا على النشطاء بجريمة ايه ... ليه السلطة تحتكر الصواب ليه فاكرين ان هما صح والباقى كله غلط انا زهقان جدا ومش طايق حتى اتكلم منظر الحصار اصبح مقزز حصار ميدان التحرير و ميدان طلعت حرب وكل الطرق المؤدية لميدان التحرير.....البقاء لله فى حريتنا..ربنالاتؤاخدنا بما فعل السفهاء منا.

هو فى اية

النهاردة السبث ودى اول تدوينة لى

أحب أحيى كل المدونين القدامى واللى شجعونى على الثدوين وأولهم الحاج جرجس وشرقاوى و وائل عباس و بهاء صابر و منال وعلاء وكل المدونين اللى قبلى

المهم يا جماعة اللى جاى

يوم 26_3_2007 يوم الاستفتاء

هنعمل اية

فى ناس بتقول نروح ونقول لا و1000 لا ......وناس بتقول نقاطع ....

وناس بتقول نعم و1000 نعم [بس دى ناس مش عارفة حاجة} ....

وناس بتقول نعمل مظاهرات ... وكتيييييير بيقولوا يعنى اية استفتاء وناس بتقول يعنى اية دستور المهم أن أخوكم المدون الصغير اللى هو أنا قعدت افكر فى كل الكلام دا

وأنامحتار فى عنوان للمدونة الصغننه بتاعتى عشان كده سميتها والله ما حد عارف حاجه ...لكن أوعدكم فى التدوينه اللى جايه هقولكم على كل حاجه وكفايه كده دلوقتى عشان دا البث التجريبى لمدونتى الجديده ....

آه نسيت أشكر المدونان المحترمان تامر البورسعيدى وأسد...مدونتى الجديده النهارده برضه ....وهقول كل حاجه .